“Сэрүүн” ХХК нь 1991 онд байгуулагдсан. Манай компани нь анх үйл ажиллагаагаа цөөн тооны ажилчидтай, гэр ахуйн цахилгаан хэрэгсэлүүд засварладаг үйлчилгээний төвөөр эхэлж байв. Жилээс жилд бид үйл ажиллагааныхаа чиглэлийг өргөжүүлж, борлуулалтаа нэмэгдүүлсээр ирлээ.
Бид 2002 онд, монголын зах зээлд ахуйн ба системийн эйркондишнүүдийг анх нэвтрүүлсэн. 2003 онд, агааржуулалтын тоног төхөөрөмжүүд болох чиллер, агаар сэлгэлтийн төхөөрөмжүүд мөн сэнснүүдийг борлуулах ба суурилуулж эхэлсэн.
Манай инженерүүд нь Carrier компаний лицензтэй НАР (Hourly Analyses Program) буюу Цагийн ачаалал тооцох программаар зураг төсөлөө боловсруулдаг. Энэхүү программ нь өрөөний зориулалт, цонхны төрөл, хэмжээ, барилгын хананы материал, өрөөн дэх тоног төхөөрөмжүүд, суух хүний тоо зэрэг бүхий л зүйлийг харгалзан өрөөний хөргөлтийн тооцооллыг үнэн зөв, хурдан, бодитойгоор гаргадаг.
2011 оноос эхлэн үйл ажиллагаагаа өргөтгөн иж бүрэн барилгын зураг төсөл гаргах “Тусгай зөвшөөрөл”-тэй салбар компаниа байгуулсан.